الزيارة المحرّمة
تاني يوم الصبح، مالك راح لأمه وقالها:
– "أنا داخل بيت أم سراج… النهاردة."
أمه تصدمت:
– "انت اتجننت؟! الناس بتقول اللي بيدخل هناك… مش بيخرج سليم!"
– "أنا زهقت من الخرافات… عايز أعرف السر! هو النور ده بييجي منين؟!"
البيت كان مفتوح.
الخشب بيصرّ، الهوا بيزقّف، وكل حاجة فيه ريحتها قديمة… كأن الزمن وقف.
دخل مالك لقى حاجة غريبة…
البيت فاضي!
مفيش ست، ولا صوت، ولا حتى نفس.
بس فيه حاجة واحدة بس…
سجادة صلاة، عليها مصحف مفتوح، والنور طالع من وراها!
قرب منها، أول ما إيده لمست المصحف…
سمع صوت واضح: "ارجع… الباب مش ليك."
تراجع بسرعة، قلبه بيدق، العرق نازل من وشه…
– "فيه إيه هنا؟! أنا مش بخاف!"
وفجأة… سمع خطوات فوق.
رفع راسه…
لقى أم سراج واقفة على السلم… ببصّله… وبتبتسم!
بس المشكلة؟
أم سراج ماتت من أسبوع!
يتبع...
للجزء الثالث أضغط هنا
